Икелепелень питнень максоманть коряс, республикасонть наркоситуациясь меельце иетнень перть ловови нейтральноекс. «Сехте прявтось, ламот ломантне а кирдить наркотиктнень тевс нолдамонть. Текень марто сеть, кить сэредить те ормасонть, эрить минек ютксо ды явовтыть обществань мель, – тешкстызе Артём Здунов. – Ды куш наркоманиясь а кандови региононь пшти стакачитнень юткс, тевтнень мельга эряви пштистэ ваномс. Наркотикень веществатнень аволь медицинань коряс тевс нолдамось неень шкане – Россиянь Федерациянь национальной безопасностень прявт тандавкстнэде вейкесь».
МР-нь Социально-экономической мониторингень научной куншкакурось свалшкане ютавты ванномат, конат максыть питне молиця тевтненень. Учреждениянь прявтось Любовь Курышова невтизе комиссиянтень ютавтозь мониторингень коряс икелепелень пачтямонть. Тешкстазель, меельце колмо иетнень перть тевтне полавтовить аволь пек, регионось – пиже зонасонть.
Мордовиянь Прявтось истя жо явовтынзе промксонтень пурнавозетнень мелест сеттнень марто важодеманть лангс, кить нолдавить исправительной куншкакуротнестэ – ломантненень эряви максомс важодемань таркат, одс иляст топавто зыянов тевть.
Промксонть лувсо АНК-нь члентнэ истя жо кемекстызь МР-со наркоситуациянь мониторингень топавтомань коряс од положениянть.
Мордовия Республикань Прявтонь Пресс-службась