Январень 12-це чистэ Россиянь Федерациянь Центральной кочкамонь комиссиясь регистрировась Россиянь Президентэкс кандидатонть Владимир Путинэнь 259 доверенной лицят. Сынст ютксо Мордовиянь 3 представительть – С.Д.Эрьзянь лемсэ изобразительной искусствань Мордовиянь республикань музеень прявтось Людмила Нарбекова, «Мемориальный музей военного и трудового подвига 1941 – 1945 гг.» МУК-нь прявтось Николай Кручинкин, «Известия Мордовии» газетань прявт редакторось Олег Каштанов.
Людмила Николаевна Нарбекова – живописец, график, модельер, педагог. Сон Россиянь Художникень вейсэндявксонь член. 2004 иестэнть саезь аравтозь С.Д.Эрьзянь лемсэ МРМИИ-нь прявтокс, музейсэнть пурназь масторлангонть келес содавикс скульпторонть Степан Эрьзянь, истя жо Федот Сычковонь, важодевксэст сехте покш коллекциясь.
Николай Андреевич Кручинкин – «Мемориальный музей военного и трудового подвига 1941 – 1945 гг.» МУК-нь прявт, Мордовия Республикасо «Поисковое движения России» Региононь отделениянь Советэнь председатель. Республикасонть редявикс важодицятнень эйстэ вейкесь, кие покш мель яви од ломантнень патриотизмань лувсо кастомантень. Сонзэ лемезэ кеместэ сюлмавозь «Поиск» республикань движениянть марто, конась, 1988 иестэ саезь, прими участия Весероссиянь «Ледстнемань вахтасонть».
Олег Александрович Каштанов – общественной деятель, Мордовия Республикасо Общественной палатань сопредседатель, «Известия Мордовии» Автономной учреждениянь прявт редактор, «МедиаСоюз» СМИ-нь важодицятнень Весероссиянь общественной организациянь Мордовиянь региононь отделениянь Президент. 2012 иестэнть саезь – Россиянь Президентэнть Владимира Владимирович Путинэнь доверенной лицязо.
В.В.Путинэнь доверенной лицятнень юткс совасть Мордовиясо чачозетне – Г.В.Плехановонь лемсэ РЭУ-нь ректорось Виктор Гришин, конась аволь весть минек региононть пельде кочкавкшнось Россиянь Федерациянь Государственной Думань депутатокс, 1993 иестэнть ульнесь республикань Экономикань министерствань прявт, 1996 иестэнть ульнесь Мордовия Республикань Правительствань Председателень полавтыцякс. Истя жо «Российский союз сельской молодёжи» Весероссиянь од ломанень общественной организациянь Центральной Советэнь председателесь Юлия Оглоблина. Доверенной лицякс истя жо кармась Россиясо 2018 иень футболонь коряс масторлангонь чемпионатонь ошонть-организаторонть Саранскоенть посолось, Россиянь Федерациянь артистэсь Игорь Бутман.
Весемезэ Владимир Путинэнь 500 ламо доверенной лицянзо.