Мельвановикст Артем Олегович, Алексей Михайлович ды Евгений Сергеевич!
Ёвтанк тыненек ты тонавтыцянк туртов седейшкавань поздоровт Греко-римской тюремань коряс, конась ютавтовсь Иранонь Абадан ошсонть, Кубоконть саеманть коряс!
Тынь теиде редявикс путовкс Россиянь сборноенть вейсэнь изнявксонтень. Виев пелькстыцятнень изнямось эштё весть невтизе Мордовиянь спортсментнэнь покш маштомачист ды кеме обуцяст. Мельспаро, Артем Сурков те покш турнирсэнть ёвтазь минек командань сехте виев бороцицякс, кавто пелькстамотнесэ сон пурнась 15 баллт.
Тынк изнявкстнэнь саемс лездасть эсенк лангсо эрьва чинь важодемась, ламо виень вешиця тевесь, дисциплинась, икеленк путозенть топавтомась. Те редявикс путовкс Мордовиянь ды Россиянь спортонь изнямонь паргинентень.
Кеман, неть саевкстнэ кармить вадря стимулокс республикань ушодыця бороцицятнень од изнявкстнэнь туртов. Арсян тенк шумбрачи, паро эрямо ды спортонь редявикс карьера!
Мордовия Республикань Прявтось В.Д.ВОЛКОВ