Эйзюрковонь 26-це чистэ сынст марто вастовсь Мордовиянь Прявтось Артём Здунов. Вастовомасонть истя жо ульнесть Мордовиянь Правительствань Председателень васенце полавтыцясь Галина Лотванова ды республикань шумбрачинь ванстомань министрась Олег Маркин.
«Сюкпря тынк ютксто эрьвантень важодеманть, тевентень алкуксонь мелень явоманть, профессиональной долгонтень кемевиксчинть кисэ, – мерсь республикань руководителесь. – Тынк бригадань важодемань шканть перть 7 тежат 300 ломантненень явозь медицинань лезкс, сынст ютксо 1200 эйкакшт. Те пек покш важодема!»
Васенцеде Каланчаков специализированной медицинань лезксэнь явоманть туртов якась врач акушер-гинеколог. Врачось-хирургось кавто ковтнень перть ютавтсь 145 экстреннойть ды плановойть операцият.
Истя жо, Каланчаконь ЦРБ-нь администрациянть энялдоманзо коряс, минек специалисттнэнь виест вельде поладови эрицятненень квалифицированной офтальмологической лезксэнь явомась.
Тосо эрицятне покш сюкпря марто вастыть Мордовиясто врачтнень эрьва самонть.
«Сюкпря, кемиде минек эйс ды кемевтиде тенек явомс медицинань лезкс Каланчаконь районсто эрицятненень. Пациенттнэ, врачтне евтыть покш сюкпря лездамонть кисэ. Карматано лездамо седе товгак», – мерсь Орданьбуень райононь больницянь прявт врачонь полавтыцясь Ольга Чичайкина.
Мордовиянь Прявтонть марто кортамосо истя жо ульнесть Республикань офтальмологической больницянь офтальмологось Александр Клочков, Эйкакшонь 1№ поликлиникань педиатрась Елена Фарченкова, Краснослободскоень районной больницянь общей практикань врачось Елена Артыкова, Темниковань райононь больницянь акушерэсь-гинекологось Олег Зырянов, Эйкакшонь 3№ поликлиникань педиатрась Анастасия Милюкова, С.В. Катковонь лемсэ Республикань больницянь хирургось Владимир Шалин, 2№ поликлиникань неврологось Равиль Якупов.
Весе врачтнень казизь Мордовия Республикань Прявтонь Благодарностьсэ.
Эйзюрковонь 25-це чистэ Каланчаконь районсо профессиональной долгонь топавтомо кундась Мордовиясто врачтнень од командась – те терапевт, хирург, педиатр, невролог ды ультразвуковой диагностикань врач.
Мордовия Республикань Прявтонь Пресс-службась