Январень 19-це чистэ МР-нь Прявтось В.Д.Волков вастневсь «Российские коммунальные системы» компаниянь группань прявттнэнь марто, косо ванкшновсть государственно-частной партнерствань условиятнесэ ЖКХ-нь сферасо сотрудничествань варианттнэ. Вастовомантень сакшность МР-нь Правительствань Председателесь Владимир Сушков, Правительствань Председателень полавтыцясь Игорь Чадов, Саранск ошонь мэрэсь Пётр Тултаев, профильной министерствань прявттнэ.
«Российские коммунальные системы» компаниянь группась Россиясо ловови водоснабжениянь ды водоотведениянь сехте покш операторокс. Теде башка, важоди теплоснабжениянь ды энергетикань сферасо. Директоронь Советэнь Председателесь Григорий Терян покш мель явсь Мордовиянь проектэнть эрямос совавтомантень.
МР-нь Прявтось В.Д.Волков кемекстызе регионсо коммунальной хозяйстванть седе тов виевгавтоманзо. Эряви решамс асатыксэнть ведень коряс Чаунза ды Комсомольский посёлкатнесэ, косо ташто оборудованиясь ды сетне ветить коммунальной услугатнень ёжонь коламонтень. Асатыкст улить лия районтнэсэяк, невтемга, Рузаевкань, Ковылкинань, Отяжелень, Торбеевань. Зярыя проектт, паряк, совавтовить эрямос Саранскойсэ, тень ютксо 2018 иестэ футболонь коряс масторлангонь чемпионатонтень анокстамонь лувсо.
Владимир Волков тешкстызе, эряви домкасто тонавтнемс сотрудничествань варианттнэнь. Сонзэ мереманзо коряс те тевсэнть карми важодеме Мордовиянь Правительствань Председателень полавтыцянть Игорь Чадовонь прявтсо группась.