Мордовиянь Прявтось Владимир Волков декабрянь 5-це чистэ ютавтсь важодемань вастовома «РМ Рейл» компаниянь генеральной прявтонть Павел Овчинников марто. Кортавсть 2018 иестэ компаниянь важодемань икелепелень итогтне, истя жо производствань аравтлувось 2019 иентень.
Павел Овчинников пачтясь республикань Прявтонтень, тедеде «РМ Рейл» компаниясь нолдась 7600 вагонт, улить кармавтомат сы иентень, текень пингстэ келейгавтови экспортось.
Мордовиянь Прявтось башка тешкстызе экспортонь коряс программанть башка смустензэ. «Эряви виевстэ важодемс экспортонть виевгавтоманзо коряс. Те пек покш тев республикань весе производительтнень туртов», – тешкстызе Владимир Волков.
Важодемань вастовомасонть ульнесть Мордовиянь Правительствань Председателесь Владимир Сушков, Правительствань Председателень васенце полавтыцясь – экономикань, торговлянь ды предпринимательствань министрась Владимир Мазов, Правительствань Председателень полавтыцясь – промышленностень, наукань ды од технологиятнень министрась Александр Седов.
Мордовия Республикань Прявтонть пресс-службась