Мордовиянь Прявтось Владимир Волков октябрянь 11-це чистэ Московсо «Сырнень сёксь – 2018» велень хозяйствань выставкасонть ютавтсь важодемань вастовома «Росагролизингень» руководителенть Павел Косов марто.
Вастовоманть лувсо кортавсть региононь хозяйстватненень эрявиця велень хозяйствань техниканть федеральной лизингенть коряс Мордовияв пачтямонь кевкстематне. Владимир Волков тешкстызе, республикасонть максыть покш питне Росагролинзингенть марто велень хозяйствань техникань, оборудованиянь, ракшань пачтямонь вейсэнь важодемантень ды бажить поладомс вейсэнь проекттнэнь.
Кортамось истя жо мольсь 2019 иестэ Сокамонь коряс Россиянь чемпионатонть Мордовиясо анокстамодонзо ды ютавтомадонзо. «Росагролизинг» – Сокамонь коряс Россиянь панжадо чемпионатонь – модань сокамонь маштомачинь коряс механизатортнэнь весероссиянь лия ёнов а молиця пелькстамонь прявт ютавтыця. Чемпионатонть арсеви ютавтомс Мордовия Республикасо 2019 иень кизна, тов истя жо тердевить омбо масторонь государствань представительтне, Масторлангонь сокамонь организациятнес совицятне.
Ледстясынек, Сокамонь коряс чемпионатось Россиясо ютавтови 2012 иестэнть саезь, Мордовиясь тосо 2015 иестэнть.
Мордовия Республикань Прявтонть пресс-службась