Никита Николаевич чачсь 1993 иестэ. 2016 иестэ прядызе Н. П. Огарев лемсэ МГУ-нь бакалавриатонть «Юриспруденция» специальностенть коряс, мейле – магистратуранть. Вуздонть мейле кармась важодеме Государственной службань управлениянь местной самоуправлениянь органтнэнь марто важодемань коряс отделэнь консультантокс, важодсь Мордовия Республикань Прявтонь ды Мордовия Республикань Правительствань Администрациясо. 2022 иестэ аравтозь МР-нь Спортонь ды од ломанень политикань министрань полавтыцякс, 2023 иестэ – Мордовия Республикань Правительствань Председателень Секретариатонь руководителекс.
Од таркасонть Никита Ларьков карми ветямо республикань спортонь енксонь виевгавтомань кевкстематнень.
«Никита Николаевич вадрясто важоди мартонок умок, опытэсь таштазь сатышка. Тевтне икелензэ аштить покшт: инфраструктурань тевс нолдамось ды сонзэ кирдемась ды спортонь объекттнэнь пештемась. Республикасонть минь ламо строинек ды витнинек меельце иетнестэ. Те весе важодезэ! – тешкстызе Артём Здунов. – Башка мель эряви явомс массовой спортонь виевгавтомантень. Те кевкстемась евтазель масторонь Президентэнь Кучомасонть – миненек эряви улемс васенцетнень ютксо те енксонть коряс, весенень те канды ансяк лезэ. Спортонь министерствасонть важодемась – те аволь ансяк покш изнямотнень спорт, те васняяк массовой спорт, ломантнень шумбрачист ды экономика».
Мордовия Республикань Прявтонь Пресс-службась