Ютазь цетвергстэ Мордовиянь предприятиятнень продукцияст пачтямонь кевкстематне кортавсть Матансас провинциянь губернаторонть Мариэта Каридад Пуй Самора марто – те Кубань промышленной сехте виев регионтнэстэ вейкесь. Тесэ ветяви нефтепродуктатнень, ловсонь, сывелень ды сахаронь производствась, улить зярыя промышленной покш портт. Провинциясонть вадря шумбрачинь ванстомань ды образованиянь учреждениятнень сетесь (делегациянть марто важодсь РАН-нь членэсь-корреспондентэсь Олег Аполихин). Вастовомасонть кортамось мольсь вейсэнь тевдеемань коряс вейсладямонь тешкстамодонть, истя жо Мордовияв Кубань делегациянть каршо самодонзо.
Артём Здунов ды «Промомед» КГ-нь руководствась, Петр Белый ды Александр Вишневский, якасть Гаванасо Генной инженериянь ды биотехнологиянь куншкакуронтень. Учреждениясь вети инновационной фармацевтической препараттнэнь ванноманть, анокстамонть ды производстванть. Прявт енкстнэ – онкологиянь, седеень-санонь ды репродуктивной системань орматнень лецямось. Кортамотнень лувсо кемекстазь вейсэнь тевдеемань коряс договорённость Куншкакуронть ды «Промомед» КГ-нть ютксо ды уш Россиясо вейсэнь вастовомадонть.
Мордовия Республикань Прявтонь пресс-службась