Отечествань ванстыцянь чинть кувалма Мордовия Республикань Прявтонть поздоровонзо

Республикань мельвановикс эрицят! Ёвтан тенк седейшкавань поздоровт Отечествань ванстыцянь чинть кувалма!

Минек масторонь историясонть ламо лопат, конат пештезь воинской доблестень ды Отчизнантень служамонь невтевкстнэсэ. Отечествань ванстыцянь чись вейсэнди ламо поколеният, ловови раськень кенярксчикс.

Те чистэнть минь евтатано поздоровт воинской службань ветерантнэнень, весенень, кить течи максыть виест ды содамочист Тиринь масторонть ванстомантень, лиясто эрямсот апак вансто. Минек ванстыцятнень смелчист, а пелемаст, оймень виест аволь весть идекшнызь Россиянь сехте стака шкатнестэ.

Сюконятано Ине Отечественной войнань ветерантнэнень сынст ине тевест кисэ, конась карми эрямо ламо пингеть! Покш сюкпря Мордовиянь эрицятненень, конат кандсть службаст «пси таркатнесэ».

Минек тетятнень ды покштятнень сехте вадря койтнень поладыть од ломантне. Евтан сюкпрянь валт Мордовиясо чачозетненень, кить ней аштить боевой постсо, покш честь марто невтить минек республиканть Россиянь Армиясонть.

Мельвановикс соотечественникть! Седейшкава арсян тенк кеме шумбрачи, часия, паро эрямо ды валдо менель пря велькссэ!

Мордовия Республикань Прявтось В.Д. ВОЛКОВ