Ледстясынек, регионтнэнь прявттнэнь пингстэ эрямонь вадрялгавтомань коряс советтнэ – региононь социальной стандартонь пункттнэстэ вейкесь, стандартонть анокстызе Стратегической инициативатнень агентствась.
Мезе истямось региононь социальной стандарт? Те РФ-нь субъекттнэсэ социальной енкссо услугатнень вадрячинь ды доступностень кастомань туртов неень шкань управленческой практикатнень ды решениятнень комплексэсь.
Промксонть панжомсто, Артём Здунов тешкстызе, Мордовиясь васенце регионтнэнь ютксто вейкесь, косо теезь Эрямонь вадрячинь коряс советэсь. «Советэнтень исполнительной властень органтнэнь представительтнень марто вейсэ совасть социально-ориентированной НКО-тне ды региононь сервисной уполномоченноесь», – мерсь Мордовиянь Прявтось.
Советэнь важодемасонть прявтось, кода тешкстызе Артём Здунов, - видестэ ладямс ведомстватнень ютксо вейсэнь тевдееманть ды вадрялгавтомс социальной енкссо услугатнень явоманть.
Кода тешкстызе Стратегической инициативатнень агентствань генеральной прявтонь полавтыцясь Анна Сухова, ютазь иенть коряс Мордовиянть покшт невтевксэнзэ региононь социальной стандартонь тевс нолдамонть коряс. Проекттнэнень, конат анокставить республикасонть, максозь экспертэнь вадря питне. Сынст ютксо - «Тонкая материя» проектэсь, конась аравтозь демографиянь ды семиянь свалшкань питнейчитнень кемекстамонтень.
Мордовиянь Правительствань Председателень васенце полавтыцясь Галина Лотванова пачтясь Национальной социальной инициативатнень тевс нолдамонь коряс АСИ-нть марто вейсэнь тевдеемань невтевкстнэде.
Республикань шумбрачинь ванстомань министрась Олег Маркин евтнесь регионсонть диагнозонь яволявтомань протоколонть тевс нолдамодонзо.
Республикань региононь сервисной уполномоченноесь Елена Семелева евтнесь проекттнэде, конат вадрясто топавтозь ютазь иенть перть. Сынст ютксо - решениятне, конат аравтозь од ломантнень ютксо семиядо свалшкань ванновтнень кемекстамонтень, эсь шумбрачинтень покш мелень явомантень. Ероков важодеманть вельде республикань социальной блоконть марто вейсэ тедеде анокставить решеният эрямонь истят тевтнень коряс, кода «школасо кежейстэ прянь ветямонь стакачись» ды «шумбрачинь емавтомась».
Советэнтень совицятне истя жо кортасть региононь социальной стандартонь топавтомасо аволь коммерческой организациятнень таликадост.
Мордовия Республикань Прявтонь Пресс-службась