«РМ Рейл» компаниясь (сови «Русские машины» корпорациянтень, конась ашти прявтокс «Базовый элемент» промышленной группань машинань строямонь активтнесэ) пачтясь 2016 иень производственной тевдеемань невтевкстнэде. 2015 иенть коряс, компаниясь 55% покшолгавтынзе специализированной подвижной составонь нолдамонть ды колмоксть кастызе валозь продукциянть нолдамонть, келейгавтызе покш, средней ды вишка валомань номенклатуранть 450 видьс.
«РМ Рейл» ловови васенцекс Россиясо инновациянь подвижной составонь теемань ды нолдамонь коряс. 2016 иестэ компаниясь пек вадрясто ютавтызе масторсонок алюминиень валовксто теезь кузов марто васенце хопперэнть варчамонть, нолдась аммиаконь усксемань туртов покшолгавтозь котёл марто вагононь-цистернань од модель. Течи моли нефтегазонь ды химиянь отраслянть туртов кельгемачинь оборудованиянь нолдамонь покшолматнень кастомась, конат вешить инженерэнь неень шкань теевкст.
2016 иестэ виевгавтовсь омбо масторов продукциянь пачтямось – «РМ Рейл» компаниясь пачтясь вагонт ды комплектующейть Иранов, Кубав, Балтиянь мастортнэс, Казахстанов. Вейсэнь важодемась поладови 2017 иестэнтькак.
Ютазь иестэнть компаниясь прядызе диверсификациянь программань васенце этапонть топавтоманть, конась ушодозь 2014 иестэ. Невтемга, «ВКМ-Сталь» ООО-сь келейгавтынзе покш, средней ды вишка валомань номенклатуранть 30 саезь 450 видьс ды течи ловови федеральной нефтехимиянь, велень хозяйствань ды автомобилень отраслянь предприятиятнень прявт поставщикекс. Тень пингстэ меельце иетнень коряс предприятиясонть редязь колазь продукциянь сехте вишкине невтевкс – 2,1%.
Истя жо «РМ Рейл Абаканвагонмаш» контейнертнэнь анокстамонть коряс заводонь диверсификациянь программанть лувсо 2016 иестэ нолдазь тевс блоконь-каркасонь модультнень теемась, анокстасть Россиянь строямонь предприятиятнень туртов 1000 ламо истят модульть.
Мордовия Республикань Правительстванть марто вейсэнь важодеманть лувсо «РМ Рейл» компаниясь нолдась «Рузхиммашонть» юрсо сталень вертикальной резервуаронь нолдамонь коряс од проект. Неень шкань оборудованиянть вельде нолдави продукция 100 саезь 50 000 куб.м. покшолмасо. Васенце РВС-тнэ уш пачтязь заказонь теицятненень.
«2017 иестэ минь ванстасынек прявт тевтнень: инновациянь вагонтнэнь нолдамонть, валозь од продукциянть нолдамонть, продукциянь диверсификациянть, экспортонть седе тов виевгавтоманть. Минь истя жо бажатано нолдамс седе ламо продукция нефтехимиянь ды газонь отраслянть туртов. Мелят минь одкстомтынек производстванть, те инженертнэнь маштомачист, ламо иень перть пурназь содамочитнень ды качествань койтнень марто вейсэ, конатнесэ содавикс «РМ Рейл Рузхиммашось», лезды тенек нолдамс продукция, конась топавтсынзе минек клиентнэнь весе вешемаст», – тешкстызе «РМ Рейл» предприятиянь генеральной директорось Павел Овчинников.