Маень 24-це чистэ республикань Технопарксонть ютавтовсь Научно-технической советэнь эрьва иень промксось. Советсэ важодеманть туртов Саранскоев сась Россиянь Федерациянь Президентэнть региононь экономикань интеграциянь кевкстематнень коряс советникесь Сергей Глазьев, истя жо Россиянь содавикс учёнойтне, Научно-технической советэнь председателентьь, «Всероссийский научно-исследовательский институт авиационных материалов» ФГУП-нь генеральной директоронть Евгений Кабловонь прявтсо РАН-нь академиктне.
Промкссонь важодемасонть ёвтазь ютазь иестэнть инновациянь программатнень топавтомань итогтне, истя жо ванкшнозь Технопарконь виевгавтомась. Кортамонь прявт кевкстемакс кармась инновациянть лангс, кода конкурентноспособной экономикань виевгавтомань факторонть, вешематнень кастомась.
Чинь васенце пелькссэнть Мордовия Республикань Прявтонь тевтнень нурька шкас топавтыцясь Владимир Волков содавтынзе Сергей Глазковонь ды Научно-технической советэнь участниктнень регионсонть теезь инновациянь научно-производственной кластерэнть марто. Инжетне ваннызь тонавтнемань ды производствань зярыя объекттнэнь, истя жо Ёроков эйкакштнень туртов лицеенть, Мордовиянь государственной университетэнть, оптической волокнань промышленной производствань коряс Россиянь келес вейкине заводонть.
Мордовия Республикань Прявтонть пресс-службась