«Культурань ды искусствань енксось вешить ламо виень максома. Сюкпря масторлангонть седе редявиксэкс ды парокс тееманть кисэ. Минь кирдтяно каштанчи минек театратнень ды лия енов а молиця фестивальтнень, минек ветерантнэнь кувалма», – мерсь Мордовиянь Прявтось кенярксчинь промксонть панжомсто.
«Культура» национальной проектэнть коряс вете иетнень перть отраслянтень явозь 1,3 млрд целковойть, ламо объектт строязь ды педе-пев витнезь. Теде башка, культурань 120 кудотне совасть «Единая Россия» партиянь «Культура малой родины» проектэнтень, тосо теезь цифровой кинозалт, эйкакшонь налксемань комплекст, ремеслань мастерскойть, путозь выставкань оборудования.
Ансяк культурань енкссо прявт сюпавчись, кода тешкстызе Артём Здунов, – те ломантне, эсь тевень алкуксонь ветицятне «Питней: минек региононь культурань енкссонть ламо од важодицят, конат совавтыть од мельть-арсемат учреждениятнень важодемантень», – мерсь республикань руководителесь.
Важодемань династиятнеде истя жо пек ламо. Артём Здунов тешкстынзе Сидоринтнэнь-Романовскойтнень, Полшковтнень, Куданкинтнэнь-Ямашкинтнэнь-Видясовтнень, Тюрькинтнэнь, Кулясовтнень династиятнень. Мордовиясо ютавтовить раськень-фольклоронь кенярксчить ды раськень культурань фестивальть. Грантонь лезксэнть вельде меельце колмо иетнень перть кирдезь культурань коряс 115 республикань проектт, вейсэнь питнесэ малав 250 миллионт целковойть.
Мордовиянь культурань сюпавчись вадрясто невтезь «Россия» выставкасонть-форумсонть – республикань шкинемань проекттнэ ды раськень койтне-кирдатне пек вечкевить ваныцятненень. «Башка евтан #КультураZаПобеду! республикань проекттэнть. Сон невти масторонь ды республикань уцяскатненень мелень явоманть, патриотизманть. Тынк ютксто ламот ульнесть «парсеенть томбале», Каланчаксо, – мерсь Артём Здунов. – Сюкпря эрьвантень, кие алтызе эсь эрямонзо республикань культурань потенциалонь виевгавтомантень, патриотизмань кемекстамонтень, минек духовно-нравственной ды раськень койтнень-кирдатнень ванстомантень ды вельмевтемантень».
Мордовиянь Прявтось явшесь государственной наградат ды премият театрань искусствань енкссо. Истя, «Народный художник Республики Мордовия» почетонь лемесь максозь Малик Ямбушевнень.
Мордовия Республикань Прявтонь Пресс-службась