Политикань ды экономикань коммуникациянь агентствась анокстась Россиянь Федерациянь субъекттнэнь прявттнэнь те иень июньстэ влияниянь рейтинг. Сонзэ коряс, Владимир Волков кепедевсь кавто тешксэс, саизе сехте покш влияния марто региононь прявттнэнь группасонть 27-це тарканть.
Кода тешкстзе АПЭК-нь генеральной директорось Дмитрий Орлов, президентэнть марто «виде линиянть» вельде регионтнэнь пшти кевкстематнень кортамось ды сентябрянь кочкамотнес анокстамось топавтызь прявт тевтнень июнень информациянь паксясонть.
Сонзэ валонзо коряс, региононь прявттнэнь тевтнень топавтыцятне, кочкамотнес анокстамонть лувсо, саить рейтингень вадря таркат. Сеске региононь прявттнэнь тевтнень зярыя топавтыцятне невтизь касомаст, виевгавтызь политикань влиянияст. Те сеть прявттнэ, конатнень сентябрянь кочкамотнестэ учи прявт кандидатонть доминированиянть пингстэ аволь покш конкуренция.
Те токши Мордовия Республикань Прявтонь тевтнень нурька шкас топавтыцянть Владимир Волковонь, истя жо ПФО-со сонзэ коллегатнень Марий Эл Республикань Прявтонь тевтнень нурька шкас топавтыцянть Александр Евстифеевень (51-це тарка, 5 эскелькст верев) ды Удмуртия Республикань Прявтонь тевтнень нурька шкас топавтыцянть Александр Бречаловонь (28-це тарка, 8 эскелькст верев).
Рейтингень васенце колмо регионтнэ эзть полавтово. Сонзэ прявтсо Московонь мэрэсь Сергей Собянин. Омбоце таркасонть, кода икеле ковстонтькак, Чечнянь Республикань Прявтось Рамзан Кадыров. Колмоце таркасонть Тюменень областень губернаторось Владимир Якушев.
Рейтингень таблицанть песэ Калмыкия Республикань Прявтось Алексей Орлов, ютазь ковонть коряс сон ёмавтсь 4 таркат.
АПЭК-нь ванкшномань-тонавтнемань лувось
Эксперттнэнь кевкстемась, конань результаттнэнь коряс тееви Россиянь сехте влиятельной губернатортнэнь рейтингесь, ютавтови пекстазь анкетированиянть лувсо. 2017 иень июньстэ эйсэнзэ примасть участия 26 экспертт: политологт, политехнологт, медиаэкспертт, журналистт.