29 апрельста Саранскяйсь полады Всероссийскяй экологическяй субботникти. Эсонза примайхть участия предприятиянь и организациянь работникне, государственнай и муниципальнай властень представительхне, студенттне и од ломанень организациянь активисттне, а стане жа ошеряйхне, кинь мялец няемс шачема ошенц арукс.
Койс коре субботникса активнайста кармайхть участвондама од ломанень и патриотическяй объединениятне.
Мордовиянь студенческяй отряттнень представительсна тиихть аруши 1№ Мемориальнай калма лангса. Арьсекшневи, што субботникть пингста Саранскяйсь и районнай центратне кармайхть аноклафт Великай Победань илати.
«Поиск» Мордовскяй республиканскяй патриотическяй объединениянь боецне аруяфтсазь Саранскяйса и республикань райоттнень эса сядода лама памятнай вастть. «ЭКА» Россиянь сянгяря движениянь активисттне марса ошеряйхнень мархта апрель ковть песта аноклайхть «Экводор» лем ала сисем оцю илат. Васенце тяфтама илась кармай 29 апрельста 10.00 частса «Юбилейный» васенце микрорайонть площадьса.
Ульцятнень и куд пирьфнень аруяфтома терневихть сембе кинь ули мялец!