Лятфтасаськ, што тядде форумса няфтьф республикань продукциясь 20 компания вельде. Мордовиянь стендть ваннозе Россиянь Правительствань Председателень Полавтысь Марат Хуснуллин. Вице-премьерхне няфтезь региононь предприятиятнень продукцияснон. Васедевомань пингста Артем Здунов и Марат Хуснуллин корхтасть республикань производительхнень тиф продукцияснон рынкаса мимаснон колга, тяфта жа инфраструктурань проекттнень топафтовомаснон эса.
«Минь улихть кой-мзяра объектоньке, конатнень строямс сявфт федеральнай ярмакт – тя Ковылкина ошса путепроводсь и федеральнай смузень мзяра аф мзяра ки, – азондсь Мордовиянь Оцюнясь. – Корхтамась тяфта жа мольсь республикань китнень сетень кирьдемань лангс башка ярмакнень явомаса. Мордовиясь кой мзяра объектонь коряс сувась кота кизонь проектс, кона кемокстаф Россиянь Правительствать мархта. Няйсаськ кирдема ширеть!»
Лезксонь канды, республикань руководительть ванфонц коряс, «КАМАЗ» ПАО-нь генеральнай директорть Сергей Когогинонь мархта васедемась. Автоконцернась – региононь кеме партнёр. Тя марстонь тифсь ули келептьф сяда тов, тяфта жа общественнай транспортонь парконь одкстомтоманц эса.
Мордовияя Республикань Оцюнясь башка шарфтсь мяль, 2024-це кизоня Мордовиянь исламонь масторхнень мархта товарооборотсь кассь 83%. «Резервась оцю. Минь лисеме СНГ-нь масторхнень омба шири, тяни покоттяма Турциять, Объединеннай Арабскяй Эмираттнень, Египетть, Саудовскяй Аравиять мархта. Минь мимань оборотоньке 47% – исламонь масторхнень ёткса. Сянкса поладсаськ покодемать. Сюкпря Татарстанти лямбе васедеманкса – Мордовия Республикань стендсь ащи сембода цебярь вастса, сувазь ваксканза кодавок аф ётат. Сюкпря сембонди, кие примась участия», – мярьгсь Артём Здунов.
Мордовия Республикань Оцюнять Пресс-службац