«Седи ваксста поздравляндатядять тя Илать мархта! Кемодонга кеме шумбраши теентть. Минь кенярдтяма, што минь республикасонк улихть тяфтама геройхть. Минь лангозонтт ваттама, тяряфнетяма улемс тяфтамкс! Сембе земляконьконь эзда поклон!», - мярьгсь Артём Здунов.
Михаил Семенович Борискиноньди, мзярда ушедсь войнась, ульсь 14 киза. Сон покодсь колхозса, коса фалу ашесть сатне кядть.1944 кизоня ульсь тердьф фронту. Тонафтомань пяльксть аделамда меле повсь связень войскатненди. Воявась Западнай фронтса – Венгрияса, коса макссесь перебойфтома связь советскяй правительствати европейскяй государствань руководительхнень мархта. Куду, Мордовияв, мрдась 1951 кизоня сержантокс. Войнада меле максозе эряфонц шачема велень велень хозяйстваса покодемати, мезенкса теенза макф почетнай звания «Заслуженный работник сельского хозяйства».
Наталья Андреевна Мартыновань войнась сатозе Атемар велеса.Сон тонафнесь 10 класса. Действующай армияв Наталья Андреевнань тердезь кизостонза, 23 ноябрьста 1942 кизоня. Радисткань курсонь шумордамда меле Наталья Андреевна служась Восточнай фронтса ПВО-нь войскатнень ёткса. А январьста 1945 кизоня сонь ётафтозь Западнай фронтти. Войнань мекольце шитнень Наталья Андреевна ащесь Вильнюс ошень седть ванфтомаса. Сяськомать васьфтезе постса.
Хасянова Алевтина Александровнась шачсь Ленинградса, лама идь мархта семьяса, коса касфтсть 5 шабат. Мзярда ушедсь войнась, Алевтина Александровнанди уль ниле кизот. Сонь сире дуганоц кулось вачеда, остальнайхнень ульсь дистрофиясна. Эвакуациять баржаса Ладогать пачк декабрьста 1942 кизоня синь пцтай аф мяляфтсазь. Семьясь ульсь эвакуировандаф Мордовияв Атяшевскяй району. Тяса Алевтина Александровна шумордазе школать и поступась покодема Атяшевань культурань Куду. Сембе эряфонц сон путозе культурна-просветительскяй тевти - сонь лафтувонзон фтала Атяшевскяй, Дубенскяй, Чамзинскяй райоттнень эса покодемась. Покодемань стажец Алевтина Александровнань - 60 кизода лама.
Модать вакс поклон теенть, кельгома ветератт!
Сюкпря Сяськомать инкса!
Мордовия Республикань Оцюнять пресс-службац