Предварительнай оценкас коре, наркоситуациясь республикаса колма мекольцень кизотнень лядонды нейтральнайкс. «Инь цебярьсь, што ламоц ломаттнень наркотикнень шири аф сай ваномасна. Но сят, кит сярядихть тя болезнять мархта, эряйхть минь ётксонок, синь ули обществать лангс влияниясна, - китькстазе Артём Здунов. – И катк хоть наркоманиясь регионтть оржа прябаланзон ёткса аш, ситуациять мельге эряви ваномс лац. Афмедицинскяй наркотическяй веществань потреблениясь тяниень пингть ащи Российскяй Федерациянь национальнай сетьмешинь угрозань васенце прябалатнень ёткса».
РМ-нь социально-экономическяй мониторингонь научнай центрась фалу ётафни исследованият, конат макссихть тяниень пингонь обстановкати оценка. Учреждениять директороц Любовь Курышова лувозе комиссияти докладонц ётафтф мониторингть результатонзон колга. Ульсь китькстаф, што фкя фкянь мельге молезь колма кизот ситуациясь полафтсь аф ламода, регионць ащи сянгяря зонаса.
Мордовиянь Оцюнясь тяфта жа шарфтозень совещаниянь учасникнень мяльснон исправительнай центраста лисихнень мархта сяда крхка покодемать лангс – ломаттненди эряви максомс покодема вастт, штоба афоль уль рецидив.
Заседаниять пингста АНК-в сувайхне арьсесть нолдамс эряфс МР-нь наркоситуациянь мониторингонь вятемать коряс од положения.
Мордовия Республикань Оцюнять пресс-службац