Мордовиясь – странать светотехническяй промышленностенц центрац: республикаса ащихть лампань, светильниконь, электроннай компонентонь, электрооборудованиянь, пускорегулирующай аппаратурань нолдамать коряс оцю предприятиятне. «Рефлакс - С» заводсь сувси регионтть светотехническяй кластерс, ноляй газоразряднай лампань кели ассортимент, а тяфта жа ульцянь и тепличнай валдоптоманди лампат.
Саранскяень предприятиянь продукциясь кельговикс и лац-ряц няфнесы эсь прянц вяти нолдайхнень продукцияснон мархта ряцок, мишендеви Китайса, Казахстанца, Белоруссияса.
Странань пяк лама тепличнай комплекс валдопневи «Рефлакса - С» завоть ламапанзон вельде. Кота российскяй футбольнай стадионца, конат путфтольхть 2018 кизоти масторлангонь чемпионатти, тяфта жа ащи Саранскяйста осветительнай оборудованиясь. А валдонь газоразряднай источниконь нолдайхнень еткста «Рефлакс - С» лядсь Россияса фкя тяка предприятиякс.
Республикань Оцюнять ширеса васедемаса ульсть ванфт межпроизводственнай кооперациянь кемокстамать и кадровай обеспечениять коряс кизефксне. Лятфтасаськ, Артём Здуновонь инициативанц коряс примаф решения содафнемс идтнень производствать мархта, ушедомок школать и идень садть эзда. «Рефлакс - С» заводсь тяфта жа ётафни школьникнень лемс экскурсият, няфнесыне теест кода нолявихть эрь кодама паршихне, содафнесыне светотехниконь профессиять эсь лацонь ширензон мархта.
Мордовиянь Оцюнясь китькстазе: тя эряви сянь лемс, штоба республикась ванфтолезе странань светотехническяй столицань статузть.
Мордовия Республикань Оцюнять пресс-службац