Турецкяй Республикась – Мордовия Республикань мишендема коряс партнерхнень ёткса фкя инь виись и регионць яви мяль мишендемань и экономикань марстонь ширде тефнень и сяда тов виияфтомаснон-келептемаснон эса. 2024 кизоня Мордовиять и Турецкяй Республикать ёткса мишендемань оборотсь кармась 11 млн. США-нь доллархт.
Васедемать пингста ванфт мокшэрзянь предприятиятнень продукцияснон пачфтевоманц коряс кизефксне Турецкяй Республикав. Башка мяль омба масторонь ширесь шарфтсь шинь мянцеви панельхнень и петема мастерскойхнень лангс, конатне мярьговихть нолдамс эрь кодама автомобилень шасситнень лангс. Ширетне корхтасть деловой соткснень поладомаснон и сяда тов марстонь проекттнень тиевомаснон колга.
Мордовия Республикань Оцюнясь Артём Здунов тердезень Турциянь коллегатнень самс республикав бизнес-миссия мархта и тиемс сяда крхткаста содавиксокс регионца мишендемань потенциальнай партнерхнень мархта.
Мордовия Республикань Оцюнять Пресс-службац