«Зарница» – тя Васенцетнень Тевмолемаса флагманскяй проектсна, кона эсезонза пуроптозень ётай пингонь кочкафть (военно-прикладной спортонь виттнень) и тяниень пингонь (цифровой технологиятнень и одкстомтф снаряжениятнень) эрявиксшиснон. Республиканскяй налхксематнень кочкамань пялькснень эса примасть участия 15 тёжяньда лама ломань. Сембе районга ётасть муниципальнай пялькст. Сембода цебярьхнень ёткста цебярьхне арасть региональнай пяльксса участникокс, синь бороцяхть республиканьконь лац няфтеманц инкса округонь пельксса.
Кочкуровскяй райононь площадкаса пуромсть 15 сембода вии командатне. Синь наставникснон ёткса специальнай военнай операциянь боецне и ветераттне, вийнь структурань представительхне.
««Тинь тийхтяда сембода цебярь эрявикс тев минь мастороньконди, – мярьгсь «Зарницань» участникненди Артём Здунов. - 15 командат – тя пяк лама. Няфтесть эсь ёрушинтень и маштома шинтень. Тонафнеда минь боецоньконь ширде.
Пара мяль-вал мархта шабатненди пшкядсь Мордовия Республикава Российскяй Федерациянь Национальнай гвардиянь войскатнень федеральнай службань управлениянь вятиец Андрей Каринкин. «Зарницась» – тя мужествань школа, коса кемокставихть Отечествань ванфтыень эрявикс асушитне. Катк сяськи инь виись!» – мярьгсь сон.
«Зарницав» сувафтф лама вешема, синь ётксост - военизированнай эстафетась, общевойсковой содамошись, строевой анокламась, Российскяй государственностень и военнай историянь юрхнень содамасна, тактическяй медицинась, огневой анокламась, радиационнай, химическяй и биологическяй ванфтомась, прянь ванфтомась экстремальнай условияса, инженеронь оборудованиять и военнай васттнень маштома кяшемаснон, тактическяй анокламась. Налхксемань участникне варчсазь пряснон улемс отрядонь командиркс, БПЛА-нь операторкс, штурмовикокс, политрукокс, военкоркс, инженер-сапёркс и медикокс.
«Мон пяк лад мялезон, мес повонь тяфтама налхксемас, – азондсь Саранск ошень 24-це школаста кемонце класса тонафнись Вероника Дуденковась. – Минь отрядсонк мон медикан. Сай пингть ули мялезе арамс врачекс. Арьсян, тяса кочкаф асушитне тейне максыхть оцю лезкс».
Республикань Оцюнясь ванозень мероприятиять ётафтомаса площадкатнень корхтась шабатнень и наставникснон мархта. «Сембось афкуксокс», – мярьгсь сон.
Тяса жа ётафтовсь Мордовия Республикава Васенцетнень Тевмолемаснон мархта марстонь тевонь коряс координационнай советть выездной пуромкссна.
Артём Здунов шарфтсь мяль: эряви кирдемс шабатнень ушедкссна, лездомс, марса покодемс. Ушеткснень одс нолдавомаса цебярь инструментокс ащи Васенцетнень Тевмолемань грантонь пялькстамасна. Мордовиясь тяса – васенцетнень ёткста максф заяфкатнень коряс, сувась топ-10 региоттнень ёткс. Киртьфт 12 заявка 16 млн цалковай лангс.
Пуромксса корхтасть од ломаттнень военно-патриотическяй воспитаниянь коряс покодемать колга, мяльс туф проекттнень коряс арьсефнень пяшкодемасна. Синць тонафнихне азондсть, мезть лангс синь ба шарфтольхть мяль, кодама вешфксса эряви экспертонь и финансовай лезкс. Мордовия Республикань Оцюнясь надияфтсь лездомс снаряжениянь и оборудованиянь рамамаса, кона эряви тяса тонафнемаса. Пуромксса тяфта жа корхтасть СВО-нь участникне и ветераттне. Азсть мяль тиемс «Зарница» налхксемати координационнай штаб – тя лезды сяда лац и курокста анокламс шабатнень конкурсса сяськомас.
Мордовия Республикань Оцюнять Пресс-службац