Уважаемайхть Артем Олегович, Алексей Михайлович и Евгений Сергеевич!
Седи ваксста поздравляндатядязь тинь и наставниконтень греко-римскяй бороцямать коряс миронь Кубкаса, кона ульсь Абадан иранскяй ошса, сяськомантень мархта!
Тинь путоде оцю путкс Россиянь сборнайть марстонь сатфксонцты. Вии соперникнень лангса сяськоманте тага весть кемокстазе мокшэрзянь спортсметтнень мастерстваснон и бойцовскяй характерснон. Кеняртьфти, што Артем Сурков стане жа лемтьф тя престижнай турнирса командасонк инь результативнай бороцяйкс. Кафта схваткаса сон кочкась 15 балл.
Сатфксонтень эшксса ащи эсь лангсонт эрь шинь оцю работа, трудендама, дисциплина и путф цельти венемома. Тя Мордовиять и Россиять спортивнай сатфксонь копилказост няеви путкс.
Кеман, турнирса цебярь результатонь няфтеманте кошардсыне республикань од бороцяйхнень оцю сатфксонь сатнемати. Арьсян теенть шумбраши, благополучия и цебярь спортивнай карьера!
Мордовия Республикань Оцюнясь В.Д.Волков