Лятфтасаськ, «Иннополис» экономикань башка зонась Татарстанца тиф 2012 кизоня. Тяниень пингть сонь юрсонза эсь проектснон нолдайхть тевс 342 технологичнай вии компаният, синь ёткозост сувайхть 136 резидентт, 59 партнёрхт и 147 стартапт. Конатнень ёткса 42 компаниясь сувай технологическяй ширде ёмла предприятиятнень реестрав. Инвестициятнень марстонь касомасна арась 214,9 млрд цалковай, компаниятнень кизоньберьфонь выручкасна - 64,6 млрд цалковай, а покодема вастта 11 200 сяда лама. «Иннополис» ОЭЗ-сь эрязста касы-кяподи, касфтсы инфраструктурать, строявихть од технопаркт и виияфтовихть производственнай зонатне. ОЭЗ-нть мархта марса Иннополисонь экосистемать эрявикс пяльксокс ащи Иннополис Университетсь, кона тяфта жа аноклай специалистт информационнай технологиятнень и робототехникать ёткса.
Васедемаса кортаф Мордовияса нолдаф строямань материалхнень «Иннополис» ОЭЗ-нь производствать вийнзон касфтомаса. Эсь продукцияснон няфтезь «Виолет» ООО-нь генеральнай директорсь Александр Земченко и «Лато» АО-нь коммерческяй директорсь Ахат Бексеитов.
Мордовия Республикань Оцюнять Пресс-службац