«Лидеры России» конкурсс регистрациять ушедомда меле шиньботмоста получафоль 24308 заявка

«Лидеры России» конкурсс регистрациять ушедомда меле шиньботмоста получафоль 24308 заявка

Етась фкя ши «Лидеры России» конкурсс регистрациять ушедомста. Тя пингста получаф 24 тежяньда лама заявка, мезсь сяда лама мелянь кизоть коряс.

«Лидеры России» проектть вятиец, «Россия – страна возможностей» АНО-ть генеральнай директороц, Народнай хозяйствань и государственнай службань Российскяй академиять проректороц Алексей Комиссаров отмечазе: «2017-2018 кизонь конкурсти максфоль 200 тежяньда лама заявка. «Лидеры России» омбоце конкурсти фкя шиста максф ни 24 тежяньда лама заявка Россиянь ламоц уженятнень эзда и омба масторста. Конкурсс регистрациясь панчф 24 октябрть самс, и минь учендсаськ, што заявкада кармай сяда лама мелянь кизоть коряс. Нинге весть мялезе лятфтамс, што тядде минь максоме ломаттненди дополнительнай возможностть «Лидеры России» конкурсса участвондаманкса: тяни максомс заявка ули кода и омба масторонь граждаттненди, конат лац содасазь рузонь кяльть, а стане жа 55 кизонь топодемс управленецненди. Тяда башка, 35 кизода од конкурсанттненди сатомшка руководителень тевса кафта кизонь опытсь. Тернесайне отькорь, эрьгав ломаттнень примамс участия конкурсть эса!»

Тяниень пингти рузонь участникнень еткста васенце вастса ащи Центральнай федеральнай округсь (37,4 процент). Сяда тов моли Приволжскяй (14,2 процент), Северо-Западнай (13 процент), Сибирскяй (10 процентт), Уральскяй (9,8 процент), Южнай (8,7 процент), Дальневосточнай (3,7 процент), Северо-Кавказскяй (3,14 процент) округсь.

Конкурссь регистрировандамась панчф 24 октябрть самс. Максомс заявкатнень ули кода конкурсть сайтса: https://лидерыроссии.рф/

Информационнай справка:

«Россия – страна возможностей» автономнай аф коммерческяй организациясь (АНО) пуроптф РФ-нь Президентть Владимир Путинонь указонц мархта 2018 кизонь 22 майста. Организациять целенза: социальнай мобильностть касфнеманкса условиянь тиендемась, граждаттнень

личностнай и профессиональнай самореализацияснон обеспчендамац, а стане жа Россияса эффективнай социальнай лифтонь тиендемась.

«Россия – страна возможностей» АНО-сь виияфни тяфтама жа лем ала платформа, кона етафни эряфс несколька проект: «Лидеры России» управленецень конкурсть, «Я – профессионал» студенческяй олимпиадать, «Мой первый бизнес» Международнай конкурсть, «Доброволец России» Всероссийскяй конкурсть, «Профстажировки» проектть, «Од ломанень инициативань грантовай конкурсть», МСП-нь Бизнес-навигаторонь Порталть, «РДШ – территория самоуправления» конкурсть, «Абилимпикс» инвалидность мархта ломаттнень еткса профессиональнай мастерствать коряс пялькстоматнень, «Управляй!» студенттнень еткса менеджментть коряс Кубкать, «Благодарю» спасибамань акциять, «Молодые профессионалы (Ворлдскиллс Россия)» профессиональнай мастерствань чемпионатть.

Сяда кели информация ули кода получамс официальнай сайтста : лидерыроссии.рф