Лятфтасаськ, проектсь топафтови тевс кода нилеце кизось, мяльсь шачсь 2021-це кизоня республикаса вирьхнень палома пингта меля. Проектса примайхть участия Мордовиянь сембе райоттне. Проектть инь оцю вешфксоц – тонафтомс шабатнень и од стирьхнень цёратнень мархта прянь вятема апак учт зыянонь лисема пингть.
Мероприять ётафтомац сяда лац шарьхкодеви и мяляфтови кда ётафтомс фестиваль лаца форматса. «Карнаевав» састь семьянек: тяса ульсть аноклафт аф аньцек тонафтомань ёрушинь няфтема вастт, но и налхксемат, а ниге паксянь пидема-паньф. Кода цебярь ила аноклафоль шабатненди и оцюфненди!
Фестивалень инжихнень салазь мяльснон МЧС-нь техникась, башка мяль салась качамонь камерась – толонь матовомать коряс тонафнемань комплекс. Штоба ваномс, кода работайхть толонь матыхне, автомобильхненди строявсь кувака очередь. «Качамонь камераса» толонь матыхне тонафнихть кода аф юмамс аф содаф вастса. Тя пяк стака, но сяка пингть пяк эряви. Ня ломаттне идихть эряма», – азозезь эсь мялензон няйфть коряс кемонь кизоса Даниил цёрашабась .
Тяфта жа шарфтфоль мяль аварияса идемань инструменттнень лангс, ваномс эсь сельмоса альпинисттнень снаряженияснон, озамс видексонь пожарнай машинать руленц ваксс, щамс толонь матомань видексонь наряжамбяльть и нинге теплоотражающай костюмть. Спасательхне азондсть ведьса эшеляма правилатнень колга, медикне – васенце лезксонь максомать колга. А ушеткшни артыхне мусть эстеест тев – примасть участия рисавамань пялькстомаса.
Фестивальти лезды-аноклайкс ульсть Мордовия Республикань Россиянь МЧС-нь Главнай управлениясь и «Многогранная Мордовия» АНО-сь Мордовия Республикань Правительствать кирдеманц пингста.
Мордовия Республикань Оцюнять Пресс-службац