Артём Здунов сонць сась кудонь эряйхненди и нльне лездсь строительхненди кемокстамс площадкать – марса вице-премьерть Инсаф Хайруллинонь и мэрть Игорь Асабинонь мархта валсь бетон од налхксема элементтнень алу. Тяни тяса кармай лама одняда и мялень салайда иттненди – аф аньцек люкамат и шувар, но и тяниень пингонь спортивнай оборудования.
Тевс кундасть весяласта, и курокста сембось аноколь. Республикань Оцюнять перьфке пуромсть эряйхне – сюконясть идень од площадкать инкса и эняльдсть ваномс нинге фкя таколфты прябалать, колганза пачфтсь ТСЖ-нь председательсь Тамара Мадонова. «Миньцонк фалу пяшкотькшни ведьса подвальнай помещениясь. Пшкятькшнеме и горводканалти, и лямбе сеттненди. Но прябалась апак маштф. Лездода тейнек, пожалняста, - пшкядсь сон Артём Здуновонди.
Мордовиянь Оцюнясь тяка вастса кошардозень вице-премьерть Инсаф Хайруллинонь и Саранскяень мэрть Игорь Асабинонь мумс туфталть и сай ёткшинь Правительствать пуромкссонза пачфтемс, кода машфтома тя прябалась. «Мекольце цельсь – аф косьфтамс подвалть, а ваномс туфталть педа-пес», - китькстазе Артём Здунов.
Мордовия Республикань Оцюнять пресс-службац