Мордовиянь Оцюнясь Владимир Волков 18 ноябрьста етафтсь рабочай васедема Мордовия Республикать эзга государственнай статистикань Федеральнай службань Территориальнай органть вятиенц Ия Парамоновать мархта.
Васедемать пингста тифтольхть итогт 2016 кизонь велень хозяйствань Всероссийскяй переписти. Мордовияса переписсь етафтфоль 385 велень хозяйствань организацияса, 708 крестьянскяй (фермерскяй) хозяйстваса и индивидуальнай предприятияса, 120 тежяньда лама личнай подсобнай и лия индивидуальнай хозяйстваса, гражданонь 653 аф коммерческяй объединенияса.
Республикань Оцюнясь отмечазе исследованиять эрявиксшинц агропромышленнай комплексть сяда товолдонь виияфнеманкса. «Переписть результатонза сявовихть мяльс аграрнай политикать етафтомста, РФ-нь Президентть и Правительствать уровеньца управленческяй решениятнень примамста, лездыхть примамс мерат странать продовольственнай безопасностенц обеспечендаманц коряс, касфтомс велень труженикнень эряфснон качестванц», - китькстазе Владимир Волков.
Октябрьста Росстатсь нолдазе Россиять эзга велень хозяйствань преписть пингта ингольдень итогонзон мархта васенце томть. Ноябрь ковть песта учендови омбоце томть лисемац – Российскяй Федерациянь субъекттнень эзга даннайхнень мархта.
Тяниень пингть, кода пачфтезе Ия Парамонова, мольфтевихть работат республикань муниципальнай райоттнень эзга пингта ингольдень итокнень кочкамаснон коряс, конат маластонь пингть тяштевихть Мордовиястатть сайтсонза. 2016 кизонь велень хозяйствань Всероссийскяй переписть мекольце итогонза кармайхть тяшневома государственнай статистикань
Федеральнай службать сайтсонза 2018 кизонь майста свомок декабрти молемс.
Стане жа Мордовиястатть вятиец отмечазе, што статистикать коряс республикась ащи касомань-вииякшнемань ки лангса. Предварительнай даннайхнень коряс, 2017 кизонь январьста-сентябрьста населениять афкуксонь ярмаконь доходонзон касомаснон коряс Мордовия Республикась занцесы 3 вастть Приволжскяй федеральнай округонь региоттнень еткса. Тяка пингста фкя работникть получаф среднемесячнай номинальнай заработнай платац арась 24 176 цалковай (5 вастсь ПФО-са).
2017 кизонь январьста-октябрьста товархнень и услугатнень лангс потребительскяй питнетнень индекссна арась 102,5 процент мелянь тяка пингти – тя инь цебярь результатсь Приволжскяй федеральнай округса.
10 ковонь итокне няфнихть стане жа производствань касома промышленностьса и велень хозяйстваса – 111 процент и 104 процент.
Мордовия Республикань Оцюнять пресс-службац