Мордовиянь Оцюнясь Владимир Волков етафтсь рабочай васедема «РМ Рейл» компаниянь генеральнай директорть Павел Овчинниковонь мархта

Мордовиянь Оцюнясь Владимир Волков етафтсь рабочай васедема «РМ Рейл» компаниянь генеральнай директорть Павел Овчинниковонь мархта

Мордовиянь Оцюнясь Владимир Волков 5 декабрьста етафтсь рабочай васедема «РМ Рейл» компаниянь генеральнай директорть Павел Овчинниковонь мархта. Корхтамась мольфтевсь компаниять тяддень работанц, а стане жа сай кизонди планонзон колга.

Кода азозе республикань Оцюняти Павл Овчинников, тядде «РМ Рейл» компаниять производствань объемонза касфтовихть 7600 вагонц, компаниясь обеспечендаф заказса сай кизоти, тяка пингть келепневи экспортнай продукциять лувксоц.

Мордовиянь Оцюнясь отмечазе экспортть коряс программать оцю значениянц. «Эряви сяда кемоста работамс экспортть сяда товолдонь виияфнеманц коряс. Тя пяк важнай задача республиканскяй сембе производительхненди», - китькстазе Владимир Волков.

Рабочай васедемаса примасть участия Мордовиянь Правительствать Председателец Владимир Сушков, Правительствань Председательть васенце заместителец – экономикань, торговлянь и предпринимательствань министрсь Владимир Мазов, Правительствать Председателенц заместителец

– промышленностень, наукань и од технологиянь министрсь Александр Седов.

Мордовия Республикань Оцюнять пресс-службац