Мордовиянь Оцюнясь Владимир Волков 11 октябрьста Москуса «Золотая осень-2018» велень хозяйствань выставкать площадкаса етафтсь рабочай васедема «Росагролизинг» АО-ть генеральнай директоронц Павел Косовонь мархта.
Корхтамась мольфтевсь Мордовияв федеральнай лизингть коряс велень хозяйствань техникать, кона эряви региононь хозяйстватненди, пачфтеманц колга. Владимир Волков отмечазе, што республикати пяк питни Росагролизингть мархта велень хозяйствань техникань, оборудованиянь, жуватань пачфнемать коряс лама пингонь сотрудничендамась и шарфни мяль марстонь проекттнень сяда товга мольфтемаснонды.
Стане жа корхтафоль 2019 кизоня сокамать коряс Россиянь чемпионатть Мордовияса етафтоманц колга. «Росагролизингсь» - механизаторхнень эсь лацонь всероссийскяй пялькстомаснон – сокамать коряс Россиянь панжада чемпионатть пуроптыец. Чемпионатть арьсекшневи етафтомс Мордовия Республикаса 2019 кизоня, эсонза ули кода примамс участия и омба
масторонь государствань представительхненди, сокамань Всемирнай организациянь члеттненди.
Лятфтасаськ, Россияса сокамать коряс чемпионатсь етафневи 2012 кизоста сявомок, Мордовиясь примси эсонза участия 2015 кизоста сявомок.
Мордовия Республикань Оцюнять пресс-службац