Мордовиянь Оцюнясь Владимир Волков 18 апрельста етафтсь рабочай васедема венгерскяй инвесторхнень мархта. Корхтамась мольфтевсь сотрудничендамать колга, кона ладяф Мордовиянь Правительствать и Венгриянь Внешняй экономическяй связень и инностраннай тевонь министерствать еткса кафта кизода инголе кемокстаф соглашениять рамкаса. Тяконь лувксса, корхтафоль АПК-са марстонь тевонь вятемать колга.
Васедемань итокнень коряс кемокстаф соглашения марстонь предприятиять рамкаса республикань райоттнень эзда фкять эса 2400 потяви траксонди
молочнай комплексть строяманц коряс инвестиционнай проектть эряфс етафнемаса сотрудничендамать колга.
Примаф решения, што Венгрияв стажировкас прважавихть Н.П.Огаревонь лемса МГУ-нь Аграрнай институтонь студенттне, а меле синь кармайхть работама од панчф марстонь предприятияса. Венгерскяй компаниянь представительхне май ковть кучкаста сайхть Мордовияв проектть лац-ряц арьсеманкса.
Мордовиянь Оцюнясь Владимир Волков китькстазе, што инвесторхненди максови сембе ширдень лезкс АПК-ть виияфнемань государственнай программать рамкаса.
Венгерскяй ширеть представителенза азсть проектть эрявс етафнеманкса анокшиснон колга и азсть кемама, што Мордовиять мархта сотрудничендамась кармай результатонь канникс и лама пингоннекс.
Арьсекшневи, што молочнай комплекссь строяви 2019 кизоть пенцты.
Рабочай васедемаса примасть участия Правительствань Председательть васенце заместителенза – МР-нь велень хозяйствань и продовольствиянь министрсь Владимир Сидоров и экономикань, торговлянь и предпринимательствань министрсь Владимир Мазов.
Мордовия Республикань Оцюнять пресс-службац