13 декабрьста ульсь Россиянь финансонь министрть Антон Силуановонь мархта Мордовиянь Оцюнять васедемац. Корхтафоль финансовай кизоть шумордаманц колга, конань рамкаса сатфоль договоренность максомс республикати 5,7 миллиартт цалковаень лувксса кредитнай средстват тяда инголе сявф обязательстватнень пандоманкса, а стане жа 2, 5 миллиартт цалковаень лувксса бюджеттнай кредитть максоманц коряс, кона нолдави републиканскяй бюджетть дефицитонц финансированиянкса и госдолгть мрдафтоманкса. Корхтамок васедемать итогонзон колга, Владимир Волков отмечазе синь эрявиксшиснон республикаса финансовай тефнень петеманкса. «2017 кизоня сатф договоренносттне лездыхть тейнек 700 миллион цалковайда кирьфтамс госдолгть обслуживаниянкса карьхцнень, и тя средстватнень ули кода нолдамс бюджетть инь васенце обязательстванзон финансированиянкса, тяка лувкссот социальнай обязательстватне».
Тяда башка, 2017 кизонди республиканскяй бюджетть колга корхтамста сатф договоренность социально-экономическяй вииякшнемань инь васенце направлениятнень финансированиянкса, тяка лувксса 2018 кизонь футболть коряс миронь чемпионатти анокламань программать эряфс етафтомац, федеральнай бюджетста Мордовияти финансовай лезксонь максомать колга.
Васедемаса участия примась Мордовия Республикань финансонь министрсь Алексей Симонов.
Мордовия Республикань Оцюнять Пресс-службац