Вячеслав Федорищев, шумбракстомок Мордовиянь делегациять, китькстазе Самарскяй областть и Мордовия Республикать ёткса сотксонь историять козяшинц и содазь мярьгсь сотрудничествать кемокстаманц колга.
«Минь мархтонт аф кунара корхтаме сянь колга, што мольхтяма фкя-фкянь шири, и вага ни тячи республикань оцю командась покоди мархтонк, - пшкядсь сон Артём Здуновонди. – Мезе нинге тейнек важна – покоди оцю бизнесонь делегация, эрь направлениять коряс тяни етнихть профильнай васедемат. Минь ули шарьхкодеманьке, што нят васедематне должнайхть кандомс цебярь результатт. Лама проект тейнек нинге сави тиемс марса».
Мордовиянь Оцюнясь сюконясь Вячеслав Федорищевонди лямбе васьфтеманкса. Ульсь китькстаф, што региоттнень сотнесазь кунардонь ялгань-шабрань сотксне – Самарскяй областьста ётай векть ушетксста лиссь инициативась Мордовскяй автономиять кочкаманц колга. 20 кизода ламос субъекттне лац-ряц покодихть сотрудничествань колга межправительственнай соглашениять видеса.
«Ладяф цебярь кафташирдень взаимодействия, тя макссесыне эсь результатонзон. Самарскяй областьсь – мокшэрзянь товаропроизводителень продукциянь основной потребительхнень эзда фкясь, - китькстазе Артём Здунов. – Ётай кизоть Самарсяй областти ульсь прважаф паршида 12,4 млрд цалковай лангс. Карматама нят объепнень касфнемост – келепнемост контрактациять и кооперациять, сувафнемс тевс особай экономическяй зонать возможностензон – тя цебярь инструмент».
Самарскяй областьса Мордовиянь промышленнай комплексонь, перерабатывающай отраслянь продукциясь пяк кельговикс. Мордовиянь Оцюнясь китькстазе, што няи возможностть кафташирдень товарооборотть касфтоманцты.
Тяда башка, Артём Здунов мярьгсь, што республикать Самарскяй областть мархта оцюфт планцсна культурнай полафтомать коряс сотрудничествань пяльксть эса. Васедемать пингста ульсь примаф решения етафтомс регионца Мокшэрзянь культурань шит и Мордовияв Самарскяй делегациять покодемань саманц.
Мордовия Республиань Оцюнять пресс-службац