Мордовиясь ванфнесы вастонц инь оцю социально-экономическяй кемошинь няфни региоттнень еткса. Тянь колга корхтави «Петербургская политика» фондть ноябрь ковонь исследованиянц эса.
Фондонь эксперттне койс коре азсть несколька события , конат сявфтольхть мяльс регионти оцю вастонь максомста. Васенцесь – эздост Кочкуровскяй районца лофцть крхка обработканц коряс заводть панжемац. Од предприятиясь нолни продукциянь 30 вид – вайвелезть эзда сявомок ляпе сырти и мороженайти молемс. Тяса нолневи тевс тяниень пингонь оборудованиясь.
Мордовиянь Оцюнясь Владимир Волков рабочай коллективть мархта работамста отмечазе республикать экономикас объемс коре средняй предприятиятнень и фермерскяй хозяйстватнень оцю путксснон. Сон китькстазе, што сяда товга кармай макссема теест эряви лезкс.
Етай ковть Владимир Волков Инсарскяй районца ушедсь работама «Талина» компаниянь группань сяда тежянь прянди свинокомплекссь. Лятфтасаськ, што мелянь августста Владимир Волков участвондась строяманц ушедомаса. Од комплексть работаманц мархта панчфоль 80 рабочай васта.
Тяда башка, цебярь событиятнень лувксс сувафтфтоль Рейтинг РИА-ть исследованияса тяддень 9 ковонкса населениять афкуксонь доходонзон касондомаснон коряс Мордовиять ветеце вастонь занямац и Экономическяй и политическяй реформань центрать лувоманц коряс протестнай акциятнень лувксснон коряс региоттнень рейтингснон эса 79-80 васттнень занямасна.