Фкясь эздост - Сире Шайгов велеса школась, конац тонафнихнень коряс инь оцюсь районца. Сонь эсонза тонафни 413 идь, лувф учебнай заведениясь 629 учениконди.
«Минь школанеке ульсь путф нинге 1988 кизоня. Ся пингста педа пес петема ашезь ётафнев. Одкстопфтомат анцесть кровлясь, канализациясь, водопроводсь, отоплениясь, лама мезе эряви тиемс стенатнень петемаснон коряс. Сембе ня покодематне ушетфт 18 мартста, тяни моли арязста потмонь отделкась», - азондозе велень школань директорсь Галина Венчакова.
Нинге фкя школа одкстопфневи Новотроицкое велеса. Зданиясь ульсь путф 1984 кизоня. Уже петьф крышась, облицовандаф фасадсь. Тяни ётни кияксонь, электропроводкань, перегородкань, вальмянь монтажсь и петемась. Школать потмоса кармай и столовай, конац инголи ульсь лия корпузса. Сонь лемозонза уже рамаф од оборудования.