Республикань кельгома эряйхть! Седи ваксста поздравляндатядязь тинь Отечествань аралаень шить мархта!
Странаньконь летописьса лама славнай страницада, конат козят воинскяй доблестень и Отчизнати беззаветнай служениянь примерда. Отечествань аралаень шись пуропнесыне марс ламоц поколениятнень, арси всенароднай илакс.
Тя шиня минь чествондасаськ воинскяй службань ветераттнень, азонкшнетяма сюконямань валхт сятненди, кит макссесазь эсь вийснон и содамошиснон Родинать араламанкса, аф ужялесазь тянкса эсь эряфснон. Аралаеньконь мужествасна, кемошисна, ваймонь вийсна аф весть аралакшнезь Россиять сембода стака пингста.
Сюконятам Великай Отечественнай войнань ветераттнень инголе оцюдонга оцю подвикснон инкса. Благодарностень валхт Мордовиянь эряйхненди, конат ащихть странать инкса »пси точкаса».
Аляньконь и атяньконь пара койснон полаткшнесыне од поколениясь. Азан благодарность Мордовияса шачфненди-касфненди, конат тяниень пинкть ащихть боевой постса, достоинства и честь мархта няфнесазь республиканьконь Российскяй Армиять рядонзон эса.
Уважаемай соотечественникт! Седи ваксста арьсян теенть кеме шумбраши, паваз, благополучия и сетьме менель тинь вельхкссонт!
Мордовия Республикань Оцюнясь В.Д.Волков