Регионца эпидобстановкать колга пачфтсь МР-ть коряс ломанень пара эрямать и потребителень правань араламань сфераса надзорть коряс Федеральнай Управлениянь службань руководительсь Татьяна Харитонова. Тяни Мордовияса няеви ОРВИса и гриппса сезоннай сярятькстомать кеподемац. Ётай недялять сярядиень лувкссь кассь 3,2 %. Региононь медицинскяй учреждениятнень эса сувафтф карантинць. Фалу мольфтеви идень и подросткань лувксть мельге ваномась, конат ашельхть школаса сярядемать инкса. Дистанционна тяни тонафнихть 41 класс республикань 11 школава.
Мордовияса ульсь ётафтф оцю покодема эряень имунизациять коряс, синь етксост ульсть путфт прививкат ломаттненди, конат ащихть рисконь группаса – идтне, сире и хроническяй заболевания мархта ломаттне, тонафтыхне, медикне.
«Ситуациясь заболеваемость коряс фалу ащи контрольса – тяни сон сатозе эсь пиконц и курок ушеды валгома. Тяньди лездыхть идтнень тундань каникуласна, конат ушедыхть сай недялять», - китькстазе Татьяна Харитонова.
Населениять эрь кизонь диспансеризациянц молеманц колга пачфтсь Мордовиянь здравоохранениянь министрсь Олег Маркин. Сон китькстазе, што тя покодемась мольфтеви утвержденнай планть коряс. Тя кизоста профилактическяй наблюдениянь лувкссь (синь ётксост профосмотратне, стандартнай и углубленнай диспансеризациясь, а тяфта жа репродуктивнай кизонь ломаттнень диспансеризациясна) кассь сахарнай диабетонь, пациентонь, конат кирдсть инсульт, инфаркт школатнень покодемаснон вельде. Тяфта жа профилактическяй медлезкс макссеви шумбрашинь мобильнай цетратнень и предприятиява и учреждениява корпоративнай программатнень покодемаснон видеса. Башка ванф макссеви специальнай военнай операциянь участникнень медосмотраснонды.
Мордовия Республикань Оцюнять пресс-службац