Минь содаф земляконьконь колга васенце пяшксеметражнай документально-игровой фильмать съемкаса ульсть заняфт тяфтама содаф россиянь актерхне – Елизавета Арзамасова, Даниил Спиваковский. Станислав Дужников, конац налхкозе скульпторть алянц роленц. Прявкс рольть налхкозе Мокшэрзянь драматическяй театрань актерсь Павел Михайлов.
Ваномань участникнень шумбракстозень Мордовиянь Оцюнясь Артем Здунов. «Минь ширесонк эвондандакшни од отрасля, тейнек сон пяк эряви. Мон арьсян, што сон канды тейнек лама интереснайда, сяс мес сонь мархтонза сотфт и лия отраслятне: туризмась, транспортсь, гостиничный бизнезсь. Минь тяшнетяма грантонди заявкат, эсонк эрязста кирнихть», - мярьгсь республикать руководителец.
«Аллюр-фильм» кинокомпаниять генеральнай продюссероц Алла Каргина сюконясь Артем Здуновонди регионца киноиндустриять касоманцты-виияманцты ваноманц инкса, а республикань эряйхнень – лямбе ваймонкса: « Мон эрян Мордовияса омбоце кизось и шарьхкодень, што тяса аф пара ломатть аш. Оцю сюкпря тянкса».
Премьернай няфтемань ваныхне няезь нинге кафта фильмань трейлерхнень, конатнень съемкасна пяльксова етнесь республикаса: «Спасая маленькие жизни» и «Школа Бабы-Яги». Документальнай фильмась «Спасая маленькие жизни» няфти Республиканскяй идень больницянь медикнень покодемаснон колга и лемтьф сонь 60 кизонцты. «Школа Бабы-Яги» пяшксеметражнай фильмать-азксть премьерац путф планц тя кизонь кизоть лангс.
Минь республиканекононь и кинокомпаниять улихть и сяда тов марс покодеманди планцна. Арьсеви ушедомс «Тайна адмирала Ушакова» пяшксеметражнай художественнай фильмать съемканза, конац кармай азондома 1812 кизонь событиятнень колга а тяфта жа нолдамс «Школа Бабы-Яги. Продолжение» фильмать-азксть омбоце пяльксонц.
Мордовия Республикань Оцюнять пресс-службац