21 ноябрьста Мордовияв рабочай поездка мархта сашендсть Россиянь транспортонь министрсь Максим Соколов и Приволжскяй федеральнай округса РФ-нь Президентть полномочнай представителец Михаил Бабич.
Васенцекс рабочай программасост ульсь Саранскяень аэропортовай комплексть ваномац, работатне конань эса шумордама лангсот. Мордовиянь Оцюнясь Владимир Волков няфтезень министрти и полпредти сембе пингонь и аф лама пингонь терминалхнень зданияснон, а стане жа взлетно-посадочнай полосать и воздушнай суднатнень ащема вастснон.
Меле ванфоль Ялга поселкать маласта кинь развязкась, кона шарсы Саранскяйть шинь стяма ширьге. Тяса работатне стане жа малаткшнихть песнонды.
Рабочай поездкать рамкаса стане жа корхтафоль мундиальти республикань железднодорожнай инфраструктурань объекттнень анокламаснон колга, тяконь лувксса корхтамась мольфтевсь Саранскяень и Рузаевкань вокзальнай комплекснень одкстоптомаснон квалма. Од пешеходнай сеттне ня вокзалхнень эса сувафтовихть тестовай эксплуатацияс кизоть аделавомс.
Мордовиянь дорожно-транспортнай инфраструктурань объекттнень ваномда меле Михаил Бабич и Максим Соколов макссть оцю оценка Саранскяйть 2018 кизонь футболть коряс миронь чемпионатти анокламанцты. Президентть полпредоц азозе, што мундиалень объекттнень тевс сувафтомань пинкнень коряс таколдомат аш. Тякоть ули кода азомс и аэропортть колга, конань одкстоптоманц васенце этапса ульсть пелемат, кенярихть-аф
строительхне шумордамс сембе работатнень эсь пингстонза. «Няйсаськ, што Мордовиясь сувась анокламань графикти, и тячи ули кемама, што Миронь чемпионатти сембось сувафтови тевс эсь пингстонза: и аэропортсь, и стадионць, и лия объекттне»,—китькстазе Михаил Бабич.
Минтрансонь оцюнясь стане жа кирдсь тя мяльти, азозе, што рабочай поездкать пингста няйфсь кеподезе мяленц. Максим Соколов стане жа китькстазе, што Саранскяень аэропортсь 2018 кизонь Миронь чемпионатть ётафтомда меле может ванфтомс международнаень статусонц, кда компаниясь-авиаперевозчиксь лувсы тянь эрявиксокс.
Мордовиянь Оцюнясь Владимир Волков отмечазе, кле, мундиальти лац анокламать удалась сатомс республиканскяй власттнень Минтрансть мархта марстонь работаснон и ПФО-са Президентть полпредонц ширень кирнеманц вельде. Мордовиянь лидерсь азозе, што аэропортсь панжеви сай кизонь февраль ковста.
Мордовия Республикань Оцюнять пресс-службац