Кельгома соотечественникт! Седи ваксста поздравляндатядязь государственнай илать – Россиянь шить мархта!
Оцю странаньконь сембе эряензон мархта минь пара мяльса-арьсемаса васьфнесаськ тя шить. Тя илась няфнесы российскяй государственностть лама веконь традициянзон и патриотизмань, воляшинь, оцю гражданственностень и духовностень питнешитнень еткса аф сязеви сотксть.
Россиянь шись – тя странасонк эряй нароттнень судьбаснон, ялгаксшиснон и братстваснон марстоньшиц. Тя нароттне лама сядот киза марса строясть, аралакшнесть и кемокснесть Российскяй государствать эса. Тя праздниксь минь Отечестваньконь и сембонь, кие трудендакшни, путнесыне виензон, творчестванц сонь панчфокс панжеманкса.
Отчизнаньконь пара историяц пяшкотькшнесы седиеньконь великай Родинаньконь инкса оцю гордостьта. Российскяй народсь мзярдовок ашезе юмафне эсезонза, эсь виензонды, государстваньконь сай пингонцты верондамать, фалу сатнесь од сатфкст великай Россиять инкса. Сядонга оцю значенияц тянь тячи, мзярда минь сембе марса ащетяма пандемиять каршес, кирнесаськ фкя-фкянь ширеньконь аф теждя пингста.
Мордовиянь эряйхне путнихть няеви путкс странать социально-экономическяй, научно-инновационнай, духовнай и культурнай виияфнеманцты. Кеман, што минь тисаськ семботь инголенк ащи задачатнень пяшкодеманкса, цельсна конатнень – народть цебярь эряфоц, российскяй державать виец и сонь авторитетоц сембе мирса.
Кельгома сограждатт! Седи ваксста арьсян теенть шумбраши, паваз, мир, благополучия и сембе цебярть!
Мордовия Республикань Оцюнясь В.Д.Волков