28 апрельста Республикань Кудса чествондавихть республиканскяй конкурсонь сяськихне и призерхне. Казнетнень и диплопнень макссыне Мордовиянь Оцюнять тевонзон тиендисна Владимир Волков.
1 майста 10.45 частса арьсекшневи етафтомс Саранскяень Советскяй площадти трудовой коллектифнень праздничнай шествияснон. Тяса 11.00 частса ушеды предприятиянь, организациянь и учреждениянь коллектифнень 2016 кизонь итокнень коряс республиканскяй трудовой пялькстомаснон сяськиснон чествондамасна.
Арьсекшневи пуроптомс Военнай и трудовой подвигонь Мемориальнай музеень арт-объекттнень выставкаснон, етафтомс Саранскяйть – футболть коряс миронь чемпионатть организаторонц – презентациянц, а стане жа няфтемс Мордовиянь Туристско-информационнай центрать выставочнай экспозициянц.
Инь цебярь творческяй номеронзон ошень эряйхненди и инжихненди казьсыне «Умарина» моронь и кштимань государственнай ансамбльсь.
Фонтаннай спускса пуроптови декоративно-прикладной творчествань изделиянь выставка.
Тяда башка, 12.00 частса панжеви культурань и ваймосемань паркть тундань-кизонь 82-це сезоноц.
Илань мероприятият стане жа етафтовихть Мордовиянь сембе муниципальнай райоттнень эса.