Участникокс арасть Мордовия Республикань Оцюнять Администрациянц сотрудниконза и Мордовия Республикань Правительствась, министерствань и ведомствань сотрудникне, студентне, школьникне и волонтерхне, ош эряйхне. Марстонь вийса ульсь кочкаф 2 тоннат лядыкс – аф аньцек эрь кодама кагодкат, сюлекат и оцю кагодтт, но и телевизоронь пялькс. Валежниксь ульсь путф пусмас, катф наксадома.
Мордовия Республикань вирень, охотниконь хозяйствань перьфпялень тевс нолдамань министерствась сюконяй сембоньди, кие примась участия акцияса.
Васенцеда «Чистые леса в Республике Мордовия» акциясь ульсь ётафтф Мордовия Республикань вирень, охотниконь хозяйствань перьфпялень тевс нолдамань Министерть Адель Галиуллинонь инициативанц коряс. Тя идеять кирдезе Мордовиянь Оцюнясь Артём Здунов.
Акциять целец – тиемс цебярь санитарно-экологическяй обстановка вирьхнень эса, экологическяй воспитаниясь и эряйхнень ёткса экологическяй культурань касфтомась, перьфпяльти аф виде вайме ломаттнень вийснон марс кочкамасна, конат анокт лездомс, няфтемс прявкс перьфпялень инь питнити отношениянь кепотькс.