Мордовияса шачфти-касфти Георгий Александрович Слугинонди мужестванкса и героизманкса, служебнай шумонц максома пингста Российскяй Федерациянь Героень лем Указть нолдазе Россиянь Президентсь Владимир Путин. Куломдонза меле.
27 апрельста Республикань Кудса ётась военнослужащайть семьянцты особай отличиянь знаконь максома церемониясь. Эсонза примасть участия Мордовиянь Оцюнясь Артём Здунов, Россиянь сенаторсь Пётр Тултаев, МР-ть коряс главнай федеральнай инспекторсь Анатолий Гулин, Саранскяень и Мокшэрзянь митрополитсь Зиновий, геройть семьяц и марса служай ялганза, юноармеецне и кадеттне.
Григорий Александрович шачсь Ардатовскяй райононь Баево велеса. Школать аделамдонза меле, марямок эсь шумонц служамс шачема масторти, поступась Армиянь Генералть Маргеловонь лемса Рязанскяй гвардейскяй высшай воздушно-десантнай команднай училищав. Васенце шистокиге специальнай военнай операциять пингста пяшкотькшнезень Украинать денацификациянц и демитаризациянц коряс боевой и специальнай задачатнень. Офицерсь аф весть примсесь виде решеният, мезть вельде пяшкотькшневсть аф аньцек боевой задачатне, но и ванфневсть ломаттнень эряфсна. Григорий Александрович казьф «За отвагу» медальса и кафксть Мужествань орденца.
Ётай кизонь сентябрьста гвардиянь капитанць Александр Слугин пяшкодсь боевой задача Запорожскяй областень Вербовое велеть лямбе ширдень окраинанц араламасонза. Веть противниксь эрязста врьгятсь. Штабонь начальниксь Слугин сотозе эсь лангозонза артиллерийскяй толонь управлениять. Сюконямок Мордовиянь шачфть-касфть маштомашинцты вражескяй войскатне кандсть оцю юмафкст и потасть. Велесь апак сявфоль, эста врагсь врьгятсь дроттнень вельде – сонь ашезь удала кундамс. Гвардиянь капитанць шавовсь получаф ранатнень эзда. Боецть колга мялямсь ванфтоль минута кашт аф молезь.
«Минь Верховнай Гланокомандущаеньконь мяленц коряс Григорий Александрович казьф мужестванкса и отваганкса, конат няфтьфтольхть специальнай военнай операциять пингста. Сонь лемоц сёрматф вии странаньконь историяс, - мярьгсь Артём Здунов. – Ня казнетнень меле ащихть кемотть стакадонга-стака специальнай боевой операцияда, конат кирдьсазь украинскяй националисттнень вийснон, лоткафнесазь противниконь толть, врагтьп позициянц штурмонц, а инь эрявикссь – аф прафтови офицерть боевой ваймоц и честец».
Республикань Оцюнясь пшкядсь боецть тядянцты-алянцты и рьванцты: «Кельговикс Александр Григорьевич, Татьяна Васильевна, Алёна Михайловна, тинь мирденте и цёранте ульсь афкуксонь офицеркс, афкуксонь ломанькс, афкуксонь геройкс. И шавовсь, педа-пес тиемок эсь воинскяй шумонц. Тяфтамкс сон ульсь и ляды тяфта ваймосонк! Сонь подвигоц фалу кармай семьять, Мордовиять историясонза и марнек странать мялямса. Оцю теенть сюкпря, мес касфтоде тяфтама ломань!»
Артём Здунов китькстазе, што странать инголе ащи фкя марстонь цель – сяськомс. Россиянь Геройсь лувозе эсь шумокс араламс Родинать – тя цебярь кепотькс од ломаттненди, странать эрь гражданинонцты. Мордовиянь Оцюнясь максозе «Золотая звезда» медальть геройть рьванцты Алена Слугинати и сонь тядянцты и алянцты – Александр Григорьевиченди и Татьяна Васильевнанди.
Радиационнай, химическяй и биологическяй Россиянь Миноборонань Воздушно-десантнай войскань араламань начальниксь Алексей Гончаров вов мезе азсь боевой ялганц колга: «Сон ульсь геройкс эряфса и арась геройкс тюремаса!»Казнень максома церемонияда меле Артём Здунов корхнесь геройть тядянц-алянц, рьванц, оцю дуганонц Александоронь мархта, конац стане жа СВО-ть ушетксста ащесь старанть мялензон инкса.
Григорийть тядяц – Татьяна Васильевна – азозе, што цёрац фалу ульсь шарьхкодикс, мольсь целенц мельге и ульсь видешинь кельгикс, эсь родинань афкуксонь патриотокс. Тиемс эсь воинскяй шумонц странать инголе – ульсь сонь оцю мялец.
«Фкявок секунда ашень арьсе, мзярда Григорий азозе, што сай пингонь эряфсь военнаслужащайть мархта ули аф тёждя, - азозе Алёна. – Сон ульсь монь инь мала ломанезе. Мон сембоса кирдине сонь ширенц, кенярдень инксонза и кемань теенза. Минь семьяньконди тя оцю юмафкс, кона вестевок аф пяшкодеви».
Гвардиянь капитанть Григорий Слугинонь подвигоц – кенярдема семьянцты, кенярдема республикати и сембе странати. Тя афкуксонь кепотькс касы поколенияти. Мзярда, секундавок апак арьсек, ломанць арай Отечестванц араламанц инкса. Сюконямок тяфтама воиттненди, кода Григорий Слугин, минь странаньконь кивок и мзярдовок ашезь сяське. Аф сяськсы и тянивок!
Республика Мордовиянь Оцюнять пресс-службац