«Культурань и искусствань сферась веши марнек эсь прянь максома. Сюкпря, мес тиендьсасть масторть мазыкс и цебярькс. Минь марятама кенярдема эсь театраньконь и эсьлацонь фестиваленьконь, минь ветераноньконь инкса», - азозе Мордовиянь Оцюнясь, панжемок торжественнай мероприятиять.
«Культура» национальнай проектть мяльса кирдезь отрасляв кучф 1,3 млрд. цалковай, лама объектта строяф и педа пес петьф. Тяда башка, 120 культурань куд сувась «Единай Россиянь» партиять «Культура малой родины» проектти, синь пяшкотьфт цифровой кинозалса, идень налхксема комплексса, ремеслань мастерскойса, выставочнай оборудованияса. Но культурань сферать инь эрявикс козяшиц, кода китькстазе Артём Здунов, - тя ломаттне, афкуксонь эсь тевонь кельгихне. «Пяк пара, што культурань сфераса минь регионцонк лама покоди од ломаньда, конат кандсть мархтост од мяльхть-арьсемат тя тевти», - азозе республикань руководительсь.
И покодиень династияда стане жа пяк лама. Артём Здунов тяшкстазень Сидориттнень-Романовскяйхнень, Полшкофнень, Куданкиттнень-Ямашкиттнень-Видясофнень, Тюрькиттнень, Кулясофнень династияснон.
Мордовияса ётафневихть национально-фольклорнай илат и национальнай культурань фестивальхть. Сюконямок грантовай лезксненди мекольце колма кизотнень киртьфт 115 республиканскяй проект культурань областьса пцтай 250 миллион цалковай лангс.
Мордовиять лама ширдень культурнай козяшиц лац няфтьф «Россия» выставка-форумса – творческяй проекттне и республикать национальнай колоритоц салсесазь ваныхнень сельмованфснон.
«Башка мялезе азомс #КультураZапобеду республиканскяй пректть колга! Тя корхтай тинь патриотизманттень и странать и республикать эряфонц эса эряз участиянттень колга. Ламотне ёткстонт ётнезь «ленточкать», пачкотькшнесть васетькшнема вастти, Каланчаку, - азозе Артём Здунов. – Сюконян эрти, кие лемдезе эряфонц республикать культурнай потенциалонц касфтоманцты-виияфтоманцты, патриотизмать кемокстаманцты, духовно-нравственнай и национальнай койхнень ванфтомаснонды и одукс шачемаснонды».
Мордовиянь Оцюнясь макссь государственнай казнет и премият театральнай искусствань областьса. Ётксост, «Народный художник Республики Мордовия» почётнай лем максф Малик Ямбушевонди.
Мордовия Республикань Оцюнять пресс-службац