Шуваланяста, 11 октябрьста, Москуса ульсь Мордовия Республикань Оцюнять Владимир Волковонь и Россиянь строительствань и жилищно-коммунальнай хозяйствань министрть Владимир Якушевонь рабочай васедемасна. Корхтамась мольфтевсь Мордовиянь строительнай комплексть виияфнеманц колга.
Васедемать колга азондомста, Владимир Волков отмечазе, што сембода лияда башка корхтафоль «Юбилейный» ЖК-нь ветеце микрорайонца инженернай инфраструктурать строяманц колга, а стане жа ошть тя пялькссонза тяниень пингонь идень садть строяманц квалма. Тяда башка, васедемаса корхтафоль Мордовиять федеральнай программатнень эса участвондаманц колга, конат виияфнесазь регионца эряма вастонь строямать.
Мордовия Республикань Оцюнять пресс-службац