Мордовия Республикань Оцюнять тевонзон тиендисна Владимир Волков 24 апрельста етафтозе республикань антитеррористическяй комиссиять и оперативнай штабть плановай марстон заседанияснон.
Тяниень пингонь оперативнай обстановкать и маластонь праздникненди анокламать колга пачфтсть МВД-нь, МЧС-нь, Росгвардиянь представительхне.
Кода отмечафоль, илань шитнень правоохранительнай и спасательнай службатне етайхть работань виияфтф режимс. Башка контроль алу сявовихть лама ломанень пуропни васттне. Республикань МВД-ть даннаензон коряс, правопорядкать обеспечендакшнемонза кармайхть кафта тежяньда лама полицейскяйсь, а стане жа Росгвардиянь, частнай охраннай организациянь, общественнай формированиянь представительхне.
«Маень праздникне миньцонк койс коре отмечсевихть пяк келиста. Васенце майста чествондакшнесаськ трудонь ломаттнень, етни профсоюзонь работникнень шествиясна. А Победань шись – минь главнай праздниконьке, инь кельговись и почитандавись. Тя датати республикаса водендакшневи сядот мероприятия, коса участвондай лама ломань. Тяфта, меля «Бессмертный полк» шествияса участвондась республикань 25 тежянь эряйсь. Сяс эняльдян, штоба сембе ведомстватне и службатне тя пингть пяшкотькшнелезь работаснон марса, ответсвенностень марязь. Эряви тиемс семботь, штоба обеспечендамс ломаттнень безопасностьснон етафтови эрь мероприятияса», - китькстазе Владимир Волков.
Заседаниять пингста ванфтольхть объекттнень антитеррористическяй аралафшиснон мельге ваномать кемокснеманц, республикаса общественнай и противопожарнай безопасностень мератнень пяшкотькшнемаснон, миграционнай контрольть касфнеманц мархта сотф кизефксне.
Мордовия Республикань Оцюнять Пресс-службац