15 сентябрьста Республикань Кудса Мордовия Республикань Центральнай избирательнай комиссиять председателец Александр Косов максозе Владимир Волковонди Мордовия Республикань Оцюнять должностьс кочкаманц колга удостоверениять.
Республиканскяй избиркомть председателец азозе, што комиссиять заседаниянц итогонзон коряс примаф единогласнай решения сянь коряс, што Мордовия Республикань Оцюнянь кочкаматне 2017 кизонь 10 сентябрьста етасть и синь действительнайхть. Лятфтасаськ, што Владимир Волковонь инкса вайгяльснон максозь кочкайхнень 89,19 процентсна. Законодательствас коре сяськоманкса эряви получамс кочкайхнень вайгяльснон 50 лама процентснон.
Александр Косов поздравляндазе Владимир Волковонь сяськоманц мархта и арьсесь теенза сяда товолдонь сатфксонь сатни работа. Кочкаф Мордовиянь Оцюнясь эсь ширденза азсь благодарностень валхт Центральнай избирательнай комиссиять вятиенцты и кочкайхненди, конат максозь инксонза эсь вайгяльснон, китькстазе довериять оцю значениянц, конань теенза максозе Российскяй Федерациянь Президентсь и республикань эряйхне.
Мордовия Республикань Государственнай Собраниять Председателенц распоряжениянц коряс 19 сентябрти тертьф МР-нь Госсобраниять кеветиеце сессияц, конань пингста етай Владимир Дмитриевич Волковонь Мордовия Республикань Оцюнять должностьс торжественнай сувамац.
Мордовия Республикань Оцюнять Пресс-службац