Совещаниянь участникне тисть итогт Россияса етафтф Кофедерациянь Кубкати. Отмечафоль, што опытсь, конань удалась пуроптомс мероприятиять пингста, сявови мяльс и нолдави тевс миронь чемпионатти анокламста. Владимир Волков выступандась Координационнай советть заседанияса мировой футбольнай первенствати анокламань республиканскяй программать эряфс етафнеманц колга доклад мархта. Тяконь лувксса региононь вятись пачфтсь тренировочнай площадкатнень, гостиничнай инфраструктурать, а стане жа чемпионатонь главнай объектть – «Мордовия-Арена» стадионть анокшиснон колга.
Мордовия Республикань Оцюнять Пресс-службац