Мордовиянь Прявтось Артём Здунов кармась те акциянть ушодовомсто спикертнэстэ вейкекс. Сон арсесь участниктненень паро мельть-арсемат ды шкинемасо изнявкст, тешкстызе, од ломантнень туртов питнейчинь виде нежедематне - те сы шкань шумбра обществанть юрозо.
Мордовиясо те енкссонть ютавтови свалшкань важодема. Кемекстазь вейсэнь тевдеемадо вейсладямот властень прявт органтнэнь, конат важодить од ломантнень тонавтонть-превс путоманть коряс, ды Мордовиянь митрополиянть ютксо. Московонь ды весе Русень Иневанькс Патриархонть Кириллэнь баславамонзо коряс Н. П. Огарёв лемсэ МГУ-нть юрсо панжовсь «Россия – наша история» духовно-просветительской куншкакуро. Тосо ютавтовить мероприятият тонавтыцятнень, воспитаниянь коряс прявттнэнь советниктнень ды од ломантнень марто важодемань коряс специалисттнэнь духовной просвещениянть коряс.
РФ-нь Государственной Советэнь «Семья» ёнксонть коряс комиссиянь важодеманть лувсо, конань прявтсо Артём Здунов, анокстазь 2036 иенть видьс Россиянь Федерациясо образованиянь виевгавтомань Стратегиянь проектэнтень мельтнень-арсематнень пакет.
Мордовиясь - масторсонть васенцетнень ютксо «Мир возможностей» федеральной проектсэнть улеманть коряс. «Наши ценности» од акциясь - те сехте вадря опытэнть ды сехте вадря практикатнень вейсэндявомась. Кода тешкстазель, тонавтонть-превс путомань, патриотизмань, тонавтомань мероприятиятне седе ламо эйкакштнень совавтыть общественной тевдеемантень, социальной, волонтеронь, паронь теемань проекттнэнь топавтомантень, максыть виде нежедькст эрямосонть.
Мероприятиясонть истя жо ульнесь Саранскоень ды Мордовиянь митрополитэсь Зиновий.
Мордовия Республикань Прявтонь Пресс-службась