Артём Здунов, мероприятиянь участниктненень ды анокстыцятненень-ютавтыцятненень пшкадемстэ тешкстызе: республиканть туртов покш честь ютавтомс неть пелькстамотнень – сынь ютыть уш вейксэцеде. Мордовиянь руководителесь евтась сюкпря кемеманть кисэ ПФО-со РФ-нь Президентэнь полномочной представителентень.
Тедеде Интеллектуальной олимпиадасонть васенцеде ульнесть омбо масторонь участникть – изнямонть кисэ пелькстасть 250 седе ламо ломанть округонь весе регионтнэстэ, Донецкой Народной Республикасто, Запорожской областестэ, истя жо Белоруссиясто ды Киргизиясто. Теде башка, ней кото свалшкань енкстнэнь юткс совавтозь од – пилоттомо ливтнемань аппараттнэнь программированиясь ды пилотированиясь. Течи дронтнэ нолдавить тевс эрьва кодат енкстнэсэ – строительствасо, велень хозяйствасо, территориятнень фото– ды видеосъемкатнень, сталмотнень усксеманть, связень важодемань ладямонть туртов, военной тевтнень топавтоманть туртов.
Артём Здунов евтась сюкпря од ломантненень од тевтнень топавтомантень бажамонть кисэ ды тешкстызе: «Сехте прявтось: неть пелькстамотнесэ тынь важодтядо командатнесэ – те пек маштови тенк эрямосонть».
Олег Машковцев тешкстызе: пелькстамотнень участниктне невтизь аволь ансяк превейчист, истя жо невтизь эсь пряст патриотокс. Те невти: тынь вечксынк Тиринь масторонть, вечксынк Россиянть!» – мерсь сон.
Интеллектуальной олимпиадань невтевкстнэ:
ИНЖЕНЕРЭНЬ КОМАНДАТНЕНЬ ПЕЛЬКСТАМОСЬ
3 таркась - Удмуртиянь
2 таркась - Самарань областень
1 таркась - Мордовиянь
ПАРЛАМЕНТЭНЬ ДЕБАТТНЭ
«Лучший спикер» специальной дипломонть максызь Татарстанонь командасто Роман Суховнень.
3 таркась – Татарстан Республикань
2 таркась - Оренбургонь областень
1 таркась - Башкортостан Республикань
БПЛА-нь ПРОГРАММИРОВАНИЯСЬ
3 таркась - Нижегородской областень
2 таркась – Мордовия Республикань
1 таркась - Самарань областень
БПЛА-нь ПИЛОТИРОВАНИЯСЬ
3 таркась - Егор Сибиряков Кировонь областестэ
2 таркась - Максим Ефимкин Мордовиясто
1 таркась - Сергей Ишмуратов Татарстансто
РОБОТОТЕХНИКА
3 таркась - Оренбургонь областень
2 таркась - Самарань областень
1 таркась – Мордовия Республикань
«ЧТО? ГДЕ? КОГДА?»
3 таркась – Татарстан Республикань
2 таркась - Пензань областень
1 таркась - Нижегородской областень
ОБЩЕКОМАНДНОЙ ЗАЧЕТОСЬ
3 таркась - Нижегородской областень
2 таркась - Оренбургонь областень
1 таркась – Мордовия Республикань
«Алкукс жо изнясь минек масторось!» - мерсь Олег Машковцев.
Мордовия Республикань Прявтонь пресс-службась